護膚耐性篇
我係白羊座♈️，根據星座書分析，我天生衝動、熱血、無耐性。
但係經過咁多年工作同埋生活嘅磨練，我交足學費，依家已經係一個絕對有耐性嘅人。不過自從經營呢個網店之後，我發現好多朋友，真係無咩耐性😬
我講嘅係喺護膚呢件事情上，無咩耐性（我希望你哋有耐性睇我寫落去😬）
羅馬唔係一日建成、一分耕耘一分收穫、欲速則不達、台上一分鐘台下十年功、只要功夫深鐵柱磨成針……呢啲老說話，由細聽到大，講嘅都係同一個道理：有啲嘢急唔嚟，要俾時間同埋心機，更重要嘅係，要等待。
當然，有人天生皮膚底子好，贏在起跑線。但如果先天不足，係咪後天就大把理由放棄？NO! 事實上，我覺得天生就有嘅嘢，固然要感恩，但後天經過自己奮鬥努力得返嚟嘅，更值得自己驕傲。戰勝際遇，係我覺得人生裡面最好玩嘅事！遇強越強，上天都會為你鼓掌。天助自助者，聽過未？
所以，我今日分享下自己嘅護膚經驗，亦都歡迎你哋留言交流，大家討論下。
我自細有哮喘，氣管同皮膚一樣敏感，因為爛面所以搽過唔少類固醇藥膏，臉上有啲皮膚因此變得特別薄；以前我完全唔搽防曬（雖然我亦無刻意去曬太陽），至今都無去過美容院做任何facial，我好少敷面膜（特別討厭紙面膜，覺得好污糟🙅🏻♀️🙅🏻♀️🙅🏻♀️），皮膚醫生亦叮囑千萬唔好用任何美白產品（我唔算黑，少量色斑同埋膚色不均勻就一定有）。過去市面出咩我買得起都試😂，有時候ok，有時候完全唔得，所以屋企一大堆半途而廢嘅嘢，覺得自己啲錢掟曬落鹹水海。
搞呢個網店，係因為我想用性價比好嘅護膚品，因為香港無咩選擇，更重要係好多嘢都overpriced。我覺得用任何嘢最緊要係啱自己，而唔係炫耀俾人哋睇：自己嗰袋有幾多錢剩最實際，何況係搽上面，再高級唔啱自己都無得勉強。
當然，近水樓台嘅關係，「小姐有禮」裡面每樣產品我都有用，但係我都要俾錢😆，而且我用嗰份無錢賺🥲🥲。好喇，開始講下我自己每日嘅skincare ritual。
每朝起身，我都係清水洗臉：臨睡前我落妝，洗乾淨之後搽護膚品，瞓覺嘅時候我無咩機會整污糟塊面，所以瞓醒之後，我用清水洗乾淨就OK。之後我會用化妝棉沾一啲玫瑰水抹面，嗰感覺好清爽，亦都可以係塊化妝棉度，睇到自己塊面乾唔乾淨。之後我會搽oio lab 嘅eye gel 同埋serum, 又或者用LOA嘅精華素，然後我就食早餐，開始一日嘅忙碌工作。
大概忙一兩個鐘，我會沖涼洗頭換衫，沖涼嘅時候我會用葡萄牙番梘洗埋面，如果想聞下木香味，我會用Huygens Elixir Nuit Face Wash，佢雖然話係晚上用，但日頭當然都用得。抹干之後我會直接搽oio lab 嘅eye gel + serum（或者LOA嘅精華素），然後搽SOS 防曬，之後就開始化妝。我唔鍾意粉底厚，所以如果嗰日搽粉底，我會加兩滴oio lab嘅supercharged glow serum 係粉底入面，咁粉底會潤啲，薄啲，睇落去亦都比較有光澤。粉底之後遮瑕，然後撲乾粉，我鍾意用胭脂膏或啫喱，再搽唇膏或者lip balm就可以出門。
夜晚我落妝會用卸妝膏（好快有得賣，到時候再介紹😉），然後用Huygens Elixir Nuit Face Wash洗乾淨。懶惰嘅日子，我會用LOA嘅睡眠面膜，一分鐘就可以上床；唔懶嗰日我會先塗oio lab嘅Pro Repair Facial Serum，然後加同品牌嘅Lunula Night 抗衰老養膚油，或者Superpause面霜。偶然天氣潮濕，我後頸嘅皮膚會痕，咁我就會搽SOS Serum Face & Body Healer：佢無色無味迅速止痕，咁就唔怕瞓唔到覺。
以上睇落好複雜，但其實好簡單。我之所以形容佢為 skincare ritual，而唔係routine，係因為ritual代表一個更高層次嘅規律：我知道自己用嘅護膚品可靠優質，亦都適合自己，但更重要嘅係我有一份堅持嘅心；當我唔再用啲化學嘢，我就唔期望 overnight 會改變一切，畢竟我搽嘅嘢好天然，但唔係仙丹！傷風都要兩三日至好返曬喇，咁皮膚嘅嘢，點可能一兩日逆轉狀態呢？其實護膚就好似求學問、做運動一樣，堅持最重要：今日開始做一啲，總比唔開始好；係皮膚護理上，我算後知後覺，但依家開始咗，點都好過仲唔開始。女人過咗30歲，真係唔好諗住靠天資食老本。30歲之後老得特別快，試過嘅人都知道😂😂。
所以，如果你呢刻皮膚狀態不如理想，唔好灰心，首先，唔好再用化學嘢喇，亦都唔好沉迷美白，你可以追求皮膚有光澤，你應該搽防曬，但每個人嘅膚色同基因都有關，你都唔會買件米色衫返嚟漂白佢，係咪？要皮膚好，生活習慣亦都好重要，飲食（當然包括飲水）、腸胃功能（即係排便）、睡眠習慣、有無食煙飲酒等等，都係影響皮膚質素嘅原因，齋靠搽護膚品，而忽略其他細節，戰線就會拖長。我真係唔反對大家搵嗰好中醫調理下身體，上醫治未病，搵中醫按照自己嘅體質俾啲意見，知道自己可以食啲咩唔好食啲咩，其實已經好幫到手。（唔好問我有無中醫介紹，我自己偏向睇老人家，臨床經驗豐富啲，香港幾家大學都有，自己去搵搵喇🫶🏻）
最後，戒心煩氣躁！我知道，皮膚唔好心情好難好，但心情鬱結一定影響健康。人開朗啲，瞓都瞓得好啲（瞓唔到你可以買Fern & Petal嘅Doze，又或者Clarity Blend啲香薰油roll-on）。
依然係嗰句：我唔係醫生，但我都希望可以幫到你。有嘢想分享就留言或者PM我喇！
我嘅skincare ritual 產品如下：
1. Rose & Skin Rose Water HKD128
2. Oio Lab Aquasphere HKD400
3. Oio Lab All in Eye HKD400
4. Oio Lab Supercharged Glow Serum HKD400 (無加價，依家係30ml)
5. Oio Lab Rejuvenating Facial Set HKD880
6. Oio Lab SuperPause HKD620
7. LOA Skin Botanical Recovery Mask HKD520
8. LOA Skin Botanical Recovery Serum HKD420
9. Huygens Elixir Nuit Face Wash HKD238
10. SOS SPF 50 Sun Cream HKD180
11. SOS Serum Face & Body Healer HKD180
Free Local Delivery For Order More Than HKD 600
#小姐有禮 #acquiredtastehk
